KIROL EGUNA-2017

Izandako tenperatura freskoak lagundurik (ezinezkoa dirudien arren bai, freskoa pasa dugu aurreko astean!), beste urtebetez, kirol eguna ospatu genuen ostiralean.

Heziketa Fisikoko irakasleek antolatu zuten egun zoragarri hau. DBH-ko ikasleen laguntzarekin bi jolasetan ihardun ginen maila bakoitzeko taldeek, betiko moduan umeak poz-pozik ibili ziren.

5 urteko geletako ikasleek, gainera, Bentades Kross Txikian parte hartu zuten.

Hemen dituzue bideoak ikusgai:

*** Musikaren Copyright dala eta 4 eta 5 urteko geletako bideoak, printzipioz, ezin izango dituzue hainbat gailutan ikusi, hala nola zenbait mugikorretan edota kontsolatan. Ordenagailu batean disfrutatu beharko dituzue ;-)

BAIETZ LUZEAGO EGIN!!!

Gaur luzerak lantzen egon gara 3 urteko geletan.

Plastilinako mahaian suge luzeak egin ditugu gero artaziekin moztu eta janaritxo laburrak lortzeko asmoz.

Beste mahai batean makiltxo eta botoiekin jolasean aritu dira, gauza luzeak eta laburrak eraikiz.

Eta alfonbran, berriz, ume batek clicak banatu ditu bere lagunen artean bakoitzak suge labur bat egin dezan. Suge laburrak ikasgelatik kanpo irten den bide luuuuuuzea egiteko elkartu ditugu (eta hemen gela bien arteko erronka izan dugu, ea nork luzeagoa egin, jejeje).

Bukatzeko norberaren gorputza neurtu dugu bide luzeagaz konparatuz.

Zeinen dibertigarria izan den! Ikusi, ikusi!!!

GOROZIKARAKO TXANO KUSTOMIZATUA

Aurten 4 urteko gelakoek erabaki dugu bisera berezia eroatea urteko txangora. Horrela, ume bakoitzak berana apaindu du. Hainbat kolore erabili dituzte! Hona hemen batzuk

UDABERRIA

Udaberrian gaude!

Korroan urtaroez hitz egiten dugu, satortxo eta bola parkera bidaia egin dute han dauden animaliak bisitatzera, gure pasilloak kurtso bakoitzak egindako udaberri muralez apaindu ditugu, aro honetan lore zein zomorrotxoak hazten ari dira, "euria eta eguzkia egiten duenean zer gertatzen da?" "Ba, ostadarra irtetzen dela andereño!"

Artista handiak ditugu gure artean.

ARKULARIAK

Satortxo eta Bolaren eskutik 3 urteko geletan Gazteluko nondik norakoak lantzen ibili gara azken hilabete hauetan. Printzesak gustatu zaizkie askori, zaldunak beste batzuei. Baina gaur, azken klase eguna dela aprobetxatuz, arkulari bihurtu gara denbora labur batez.

Eta ez pentsa umeen jolasa izan dela soilik, eeeeez! Patiotik egon diren irakasleak ere gurekin jolastu nahi izan dute eta.

Begira! Begira!

Eta hemen bideoa egiteko erabilitako argazki guztiak aurkituko dituzue.

Oporren bueltan elkar ikusiko dugu berriro ere!!!

KORRIKA 20 - BATZUK

Bi urtero gertatzen denez berriro ere Korrika Mungira heldu da! Gure herritik gauez pasako denez Korrika Txikia antolatu dute "Eskolen lantaldea" (ikusi PROIEKTUAK atala) eta AEK-k .

Haur Hezkuntzako ikasleak gustora hartu dute parte aurtengo Korrikaren inguruan aurrera eraman ditugun ekintza guztietan:

• Patio orduetan Korrikaren abestiak ipini ditugu (1980.ean hasi zeneko Amurizaren bertsotik hasita 20. edizioko Zirkorrika kantara) eta umeek hauetaz gozatu dute, dantzan zein korrika egiten.
• Bideoan ikusgai duzuen Zirkorrikaren koreografia ere landu dugu mungialdeko beste eskolekin batera futbolzelaian dantzatzeko.
• Maitek, gure margolari bikainak, sekulako pankarta prestatu digu eta 4 urteko geletako ikasleek leihoak apaintzeko BATZUK letrak koloreztatu dituzte. Gustoko dituzue?

ZINEMARA

Ikasturte berria, filme berria!

Aurten ere A taldeakoak astelehenean eta B taldekoak asteartean, euriak lagunduta, Torrebillelara joan egin gara TINKO EUSKARA ELKARTEAK eskaini digun filma ikustera.

Oraingo honetan "Koko dragoi txikia" filma ikusteko aukera izan dugu.

Euskara bizitzako esparru guztietara zabaldu behar dugu, normalizatu behar dugu. Ezin dugu gure hizkuntza maite hau esparru akademikoan soilik erabili! Anima zaitezte seme-alabekin euskaraz egitera, naiz eta hasieran zaila irudituko zaizuen, zenbat eta gehiago egin are errazagoa izango da eta!

BELEZ BETERIKO GARI ZELAIA

Pertsona bakoitza mundu bat da, eta norberak mundua bere erara antzeman eta isladatzen du.

Hauxe frogatzeko urtarrilean Van Gogh-en Belez beteriko gari zelaia artelana lantzen hasi ginen, bertan ageri ziren koloreak aztertuz, bakoitzak ikusten zuena komentatuz, sentitzen zutena elkarbanatuz, e.a. Eta, Olentzeroren opariaz baliatuz, bakoitzak artelan honen bertsioa egin du, baten batek "arrainez beteriko akuarioa" margoztu digu.

Ederki pasatu dute gure txikitxuak.

Ikusi, ikusi zeinen gauza ederrak egin dituzten!

MATEMATIKA DIBERTIGARRIAK

Nork esan du matematikak aspergarriak direla? Galdetu, galdetu 4 urteko gelako ikasleei, ea zer erantzuten dizuten.

Matematikako liburuan kenketak landu behar genituen, eta teoria lantzea nahiko abstraktoa denez, jolasaren bidez ikastea erabaki genuen. Puxikez baliatu ginen kenketak aurrera eramateko. Hor ibili ziren gixajoak putz eta putz ea nork puxika handiagoa puztu, gero leher arazteko... Ba hori, bost puxika baditut eta bi puzkatzen bazaizkit, hirurekin geratuko naiz. Matematikak zehatzak dira!

Ondoren, matematika liburua ahaztuta, beste hainbat jolasetan aritu ginen. Gainera, ariketa honen bitartez, eskolako txoko berri bat erabili dugu, Areto Nagusia, beti gure gela barruan  egon beharrean.

Hemen duzue bideotxoa ikusgai.

BENTADES PARRANDAN

"Ihauteriak heldu dira!

Lurra esnarazteko momentua da!

Eragin zintzarriei joaldunak!

Izaki maltxurrak uxatu behar ditugu!
Erne, kotilungorriak datozela!

Animo Txatxoak, Ziripotek esan bezala erle bakarra oso txikia eta ahula da, baina erlauntza oso bat garaitezina izan daiteke. Harrapatu ditzagun Zaldiko eta Miel Otxin, Ferratzaileak lagunduko gaitu!"

"Bentades Parrandan" lelopean Euskal Herriko hainbat lekuetara bidaia egin dugu gaurko egun honetan. Urduritasuna, ezinegona, ilusioa, lotsa... gure neska-mutilengan sentimendu desberdinak borborrean sumatzen ditugu. Batzuk gradei begira egon dira uneoro, beste batzuk adi-adi ikuskizunaz gozatu dute, zenbaitek txano zein zintzarriekin arazoak izan dituzte, baina hala eta guztiz ere primerako arratsaldea igaro dugu. Baita zuek ere, ez al da hala?

Bentades Ikastetxeako web orrian bertan grabaturiko bideoak dituzue ikusgai eta baita DBH-koen argazkiak. Pazientzia apur bat badaukazue laister beste guztiak eskegiko dituzte.

Pentsa genuena baina ezezagunagoak dira gure aratustetako pertsonaiak, horrexegatik hemen  azalpentxoa daukazue, bertan Lantzeko ihauteriei buruzko ipuintxoa ikusi dezakezue.

Orain datorren urteko gaia pentsatzen hasi beharko gara...

FRUTA BROTXETAK 3 URTEKO GELETAN

Oraingo honetan 3 urteko geletako ikasleak sukaldari lanetan aritu dira: FRUTA BROTXETAK prestatu ditugu!!!

Bi gelak batera jantokira jeitsi eta mahai luze batean eseri gara. Ondoren gela bakoitzeko ordezkari batek frutak garbitu ditu.

Asko garenez ezin izan dugu danok gauza guztiak egin, horregatik batzuk platanoak eta mandarinak eskuz zuritu dituzten bitartean, beste batzuk azal-kentzekoaz baliatuz, irakasleon laguntzaz, sagarrak eta madariak prestatu ditugu.

Platanoak moztea eta mandarin-atalak banatzea oso erraza izan da. Sagarra mozteko tramankulua asko gustatu zaie, sagarra gainean ipini eta indar apur bat eginez guztiz zatituta geratu da!!! Magia!!!
Zailagoa izan da gero zatitxo txikiagoak egitea, batzuk aiztoen beldur izan dira, baina irakasleon eskuen laguntzagaz ti-ta prestatu dugu dena. Zorionez praktiketako mutil jatorra daukagu HH3B gelan eta esku gehiago izan ditugu lan egiteko!

Gaur konprobatu dugu nortzuk laguntzen duten etxean sukaldean eta nortzuk ez (karkarkar!).

Eta bukatzeko frutak plateretan banatu eta mahai guztian zehar ipini ditugu.

Gelan jorratzen ari garen gaia basamortua izanik, eta han palmondoak daudela landu dugunez, aukera ezin hobea suertatu zaigu fruitu ezezagun hau gugana hurbiltzeko. Ume bakoitzari makiltxo bana eman diogu datil zati bategaz eta gero norberak mahaian egon diren frutak makiltxoan sartu behar izan ditu gustoko brotxeta egin arte.

Eta hau da hurrengo bideoan ikusgai daukazuena. Logikoki zuritze eta mozte prozesuaren argazkirik eztaukagu umeei laguntzen egon baikara, baina beno, zeozertxo ikus dezakezue hemen. Zuen gustokoa izatea espero dugu.

ZORIONAK ETA URTE BERRI ON

Espero dugu gure ikuskizunaz goxatu izatea. Orain bi astez agur esateko momentua heldu zaigu. Pilak kargeta urtarrilaren 9an elkar ikusiko dugu barriro be.

Gabon zoriontsuak izatea espero dugu.

Musu erraldoia.

ZORIONAK!!!

Pasadan egunean idatzi genuen Gabonak heldu direla, ta bai,  hemen daude iada.

Atzo gure neska-mutilak poz-pozik joan ziren etxera beraiek egindako gabonetako apaingarriekin (badakit apaingarriren batek bidean istriputxoren bat jasan zuela, baina ez dago kolak edota zeloak konpontzen ez duenik maitasunarekin egiten denean!)

3 URTE

4 URTE

5 URTE

Gaur karpeta barruan hilabete hauetan zehar egindako lanak eramango dituzte etxera zuekin berrikusteko asmoz; "Amatxo, begira ze polita egin dudan hau!" esango dizuete harrotasunez.

Ba bai, lan asko egin dute hiruhilabete honetan. Eta nekatuta daude. Baina bihar azken ahalegina egingo dugu goiz jaikitzeko eta eskolara etortzeko. Zihurrenik asko be etzaie kostako biharkoa egun berezia baita: OLENTZERO dator gurera!!!

Eta Olentzerori harrera egiteko pintto-pintto etorri beharko gara baserritar jantzita (mesedez, ahaztu abarkak etxean, ados? jejeje) ilusio handiz prestatu dugun abestia berari eta zuoi, gurasoei, kantatzera. Badakit gure patioko akustika ez dela munduko hoberena, baina ahal dugun hoberen egingo dugu.

Gero txokolate beroa bizkotxoekin jango ditugu, gurasoak be gonbidatuta zaudete. Baina, mesedez, ez etorri denak jantokiko kristaletara gu ikustera. Batzuk apur bat triste sentitu daitezke aita, ama, amama edo laguna kanpoan begira ikustean eta beragana gero (noiz izango ote da hori??) joango dela jakitean.

Beraz, ahal duena, etor dadila gurekin bihar 10:00tan hasten dugun GABON JAIA ospatzera.

Gabon Zoriontsuak izan eta ezin hobeto hasi 2017. urtea.

Musu piloa.

UNIBERTSOA EZAGUTZEN IBILI GARA

5 urteko ikasleek espazioa, planetak, izarrak, astroak, .... ikasten ibili dira.
Ikusi taldeka egin dituzten lanak. Ze gai interesgarria izan dan oraingoan!!

Klaseko marrazkiak

Umeak oso harro egoten dira eurek egindako lanez, horregatik, gela barruko erakusketa txikiak prestatu ditugu astero euren lanak denok ikusi ahal izateko.

Hemen dituzue argazki batzuk:

GABONAK

Gabonak heldu dira Bentadeseko geletara, horren ondorioz udazkeneko muralak eta zuhaitzak gabonetako apaingarriekin bete dituzte umeek.

Hemen dituzue argazki batzuk:

EUSKARAREN EGUNA 2016

Ze ondo pasa genuen ostiralean Euskararen Eguna ospatzen: abesten, txistorra jaten, aurpegian euskararen txantxangorria margozten, muralak egiten,... Begira, begira:

Ondorengo estekan web ofizialean idatzitakoa irakur dezakezue:

• ALBISTEAK  
• (Hemen gazteleraz)

Hau da gure txantxangorrien abestia:

JOLAS GEHIAGO

Beno ba, gero eta jolas gehiago ikasten ari gara ikasturte honetan:

• 3 urte: trikitixa.

• 4 urte: horma txiri jo (edota 1, 2, 3 karabin, bon, ban).

• 5 urte: trukame.

ARROSA KOLOREA

Beste urte batez Bentades Ikastetxeko kideek Emakumeonganako indarkeriaren aurkako nazioarteko eguna ospatu dugu.

Haur Hezkuntzan "ARROSA KOLOREA" ipuina ikusi dugu gure arbel digital berrietan. Hemen daukazue etxean ikusi ahal izateko:

Eta gaiaren inguruan berba egin eta gero ume bakoitzak bere elefantea koloreztatu du gelako leihoak apaintzeko. Bentades kaletik pasatzen zaretenean altza burua eta begiratu gure elefante talde koloretsuari.

ARGAZKIAK HEMEN!

UDAZKENAREN HORMAIRUDIA

Ikusi zelako hormairudia prestatu duten 5 urteko umeek!! Eskolako hormek kolorea eta bizia hartzen hasi dira!!

Argazki gehiago hemen.