JOLASTOKI BEREZIAK

   Normalkuntza planarekin jarraituz aurten jolastoki bereziak antolatu ditugu.

   Alde batetik asteazkenero euskal musika jarri izan dugu patio orduetan: Pirritx eta Porrotx, Korrika abestiak, Ken Zazpi, Gatibu, Urtz, Imanol Urbieta, euskal dantzak, Benito Lertxundi, e.a. Ikusten duzuenez mota guztietako musikaz gozatu ahal izan dute, hori bai, baldintza bakarra euskaraz kantatzea edota euskal musika-tresna tradizionalak erabiltzea izan da.

   Beste alde batetik, klasean lantzen ditugun jolasen artean, hilabetero bat hautatu eta patio orduan beste ikasleei erakutsi diegu. Haur jolas hauek abestiak edota errezitatuak lagundurik doaz eta, berauekin hizkuntza lantzeaz gain, gure kultura ondarean sakontzen dugu, dena giro alai eta jostagarri batean.

Dana ezin izan dugu dokumentatu, baina hona hemen zenbait ARGAZKI ETA BIDEO (azken hauek editatzen trebatzen hasi gara, espero dugu zuen gustukoak izatea):

• 3 urte - Sagu txiki
• 3 urte - Sugea
• 4 urte - Zubiri
• 4 urte - horma, txiri, jo 
• 5 urte - Domino Abante

   Mungiako Udalak ere euskararen erabilera bultzatu eta kultur ondarea zabaldu nahian bere Mungian Zaharrak Barri proiektua aurrera eraman du, begiradatxo bat botatzera eta zuen seme-alabekin partekatzera animatzen zaituztegu.

Goxatu eguneroko bizitzaz jolasean!!!

EUSKERAREN ASTEA

 Abenduaren lehenengo astean Euskararen Astea ospatu genuen Bentades Ikastetxean. Horretarako hainbeste ekintza aurrera eraman genituen:

• Marrazki lehiaketa. Gure marrazkiekin mural eder bat egin genuen.
• Leloen grabaketa.

 Eta asteko egunik garrantzitsuena abenduaren 3a izan zen,  euskararen nazioarteko eguna:

• Haur Hezkuntzako ikasleek "Kili-kili bat" abestia abestu zuten.
• Urte bikoek Imanol Urbietaren "Ran rober ran" uztai eta guzti dantzatu zuten (ze majoak!).
• Marrazki lehiaketaren sariak banatu ziren.
• Txistor goxoak dastatu genituen.
• Dantzan ibili ginen.
• Herri kirolak egin genituen: lokotx biltzea, sokatira eta paratxutea.
• Marrazkiak ere egin genituen.

 Hemen Haur Hezkuntzak ataratako argazkiak ikusi ahal izango dituzue.

 Eta Bentades Ikastetxeak argitutarako Haur Hezkuntzako bideoak ondorengo hauek dira:

• Euskeraren Eguna
• Sokatira 3urte
• Lokotx biltzea 4 urte
• Lokotx biltzea 5 urte
• Patioan dantzan
• Kili-kili bat

IHAUTERIAK 2014-2015 -- Editatua

"Gu sorginak gara
festa ta algara
suaren inguruan
akelarrea dantzan"

 Takolo, Pirritx eta Porrotx. Poxpolin Marisorgin. 2003

   Ba bai, aurten sorginaz eta aztiaz mozorrotu gara karnabal eguna ospatzeko.

  Mozorroak eta dantza prestatzen hasi ginenean ikasle apur batzuk bildurtuta egon ziren ("andereino, ez hurbildu", "ez egin horrela barre", e.a.) baina entsailoak gora entsailoak behera sentimendu hori pozean transformatu dugu, gaitzerdi!

   Urduri egon dira kalejira prestatzen, aitatxo eta amatxo begira egongo direla, keak ea ipurdia erreko ote dien, txalaparta nork joko duen... (Ez ziren egongo ba, geu be nerbioak jota geunden eta!!!). Hala eta guztiz ere oso gustura lan egin dugu. Eta lan guzti horren emaitza zuen gustokoa izatea espero dugu.

   Umeekin akelarrean egon garenez ezin izan dizkiegu Haur Hezkuntzatik nahi izandako argazki mordoa atera. Hala eta guztiz ere Marijosek lan bikaina egin du grabaketa egiten eta ondorengo estekan Bentadesko bideo ofiziala ikus dezakezue.

• ZENBAIT ARGAZKI
• IHAUTERI BIDEOA

   

   Ez nuke sarrera hau bukatu nahi lagundu gaituzten guztiei eskerrak eman barik:

• Adarra jotzen: Julen, Peio eta Ander.
• Txalapartan: Beñat eta Aitor.
• Kalejiran laguntzen: Itzi eta Amaia.
• Lapikoak egiten eta umeak jantzi eta entretenitzen: DBHko ikasleak.

OLENTZERO 2014-2015

 Olentzero eguna pasa zen, ta ondo pasa gainera. Bakarrik esan nahi dut umeek sekulako eguna igaro zutela prestatutako abestiak kantatzen, Olentzero ikusten eta beronen opariak jasotzen eta txokolate eta bizkotxo goxoak dastatzen.

 Oraingoan aldaketatxo bat jasan genuen betiko festa honetan. Olentzerok ume bakoitzari txokolatezko Olentzerotxu bat eman zien (lasai, alergikoentzako bereziak zeuden!) eta, gainera, kurtso bakoitzeko, gelan erabili ahal izateko beste opari eder bat.

 Ikasleek gelan eskutitza idatzi ondoren honexek izan dira Olentzerok aukeratu zituen oparitxoak:

• 3 urte: puzzleak.
• 4 urte: mozorro kutxa.
• Argazki gehiago. 
• 5 urte: mozorro kutxa.

 
Eskolako orrialde ofizialean egun horretako ondorengo argazki eta bideo hauek eta gehiago eskegita daude (nik hemen Haur Hezkuntzakoak soilik ipiniko ditut):

• Argazkiak.
• Umeak jesartzen.
• Kanpaiak jaietan abesten.

 Eta festaren aurretik Olentzeroren laguntzaileen bisita eduki genuen ikastetxean. Hemen ikusgai.

IKASTURTEA BUKATU DA

Beno ba, kurtsoa bukatu zaigu. Zenbat gauza bizi izan ditugun ikasturte honetan zehar, pozik ibili gara jolasean, kantetan, nohizean behin triste ipini gara, haserretu bebai, noski, esperimentuak egin ditugu, mozorrotu gara,... elkarrekin bizi izandako momentu asko eta asko ditugu buruan.

Eta agur esateko momentu honetan azken eguneko merendoletako hainbat argazki eta gelako maskotekin eramandako liburutxoetan umeek egindako marrazkiak uzten dizkizuegu.

Pilak kargeta elkar ikusiko dugu irailaren 9an. Uda ederra pasa!!!

3 Urte A - Umeen marrazkiak

3 Urte B - Umeen marrazkiak

4 Urte A - Umeen marrazkiak

4 Urte B - Umeen marrazkiak

5 Urte A - Umeen marrazkiak

5 Urte B - Umeen marrazkiak

KIROL EGUNA - editatua

"Galduta ere berdin

irabazten dugu,

lagunekin bai, larai,

alai osasuntsu"

"Kirola oe, oe!" "Irrien Lagunak" Pirritx, Porrotx eta MariMotots

    Gaur Bentades Ikastetxean Kirol Eguna ospatu dugu.

   Haur Hezkuntzako umeekin gelara joan gara lehenengo orduan egunean zehar egin beharreko ekintzen berri emateko eta hamar t'erdietarako aterpean egon gara zumba egiteko prest. Hautzandegia kenduta ikasle guztiak DBH-ko neskatoen aginduak jarraituz dantza bat egiten saiatu gara. 3 urteko gehienak, egia esan, dantza egin beharrean danari begira egon dira, aho zabal! Baina apur batzuk gorputza ederto astindu dute gero!!!  2 urteko gelakoak gu ikusten etorri diren arren dantza egiten bukatu dute baita ere, ze majoak!

   Ondoren jolasen ordua izan da:

• 3 urteko geletako umeak sugeetara jolasten egon dira, bakoitzak soka bat izan du eta espazioan zehar mugitu behar izan du beste inorena zapaldu barik. Gero soka guztiekin suge luze bat egin eta beronen gainetik ibili behar izan dute. Azkenik sagu txikira jolasten ibili dira.

                                     

• 4 urteko geletako umeak aulkien jolasean ibili dira, aulkien ordez uztaiak erabili ditugularik. Ondoren azeri ehizan jolastu dira.

                                      

• 5 urteko geletako umeak lokotx-biltzean jolastu ondoren zapiaren jolasarekin bukatu dute eguna.

                                         

   Gaileta pare bategaz indarrak berritu ondoren nagusien lasterketa ikustera joan gara patio gorrira. 5 eta 4 urtekoak animatu dira eta ziztu bizian abiatu dira eurak be lasterketa egiteko asmoz.

   Egun borobila gaurkoa, zihur oso ondo egingo dutela gauean lo.

   Hemen dituzue argazkiak. Eskolako webgunean bideoa laster egongo da ikusgai. Gure bi bideo txiki ikusgai dituzue:

   Eta hasi garen moduan bukatuko dugu interneten aurkitutako bideo honekin:

OE OE OE OE KIROLA

GOROZIKAKO ARGAZKIAK IKUSGAI

Hona hemen argazkiak ikusteko estekak:

• 3 urteko gela.
• 4 urteko gela.
• 5 urteko gela.

GOROZIKA

Nahiz eta eguzkia hodeien artetik bueltatzeko orduan irten den egun ederra pasa dugu Gorozikan.

Umeak primera ibili dira ogia, gailetak eta erroskilak egiten sukaldaritza tailerrean; ze jostagarria eskuekin orea manipulatzea! Kandela, txorimalo eta karpeta oso politak egin dituzte baita!

Ausartenak ere astotxoari azenario goxoak eman dizkiote jaten.

Bazkaltzeko orduan bai goxoak amatxu eta aitatxuren ogitartekoak!!! Eta patatak elkarbanatzen baditugu??? Are goxoago!!!

Eta autobusean bueltan danak erdi lo etorri dira (apur batzuk lo seko).

Orain asko deskantza eta pilak ondo kargatu bihar asko animatzeko! Ondo pasa asteburua eta aupa Athletic!!!

AURTEN BAI!!!

      Ea ba egia den eta aurten kopa gurera ekartzen dugun!!!

   Gure partetik animo guztiak bidaltzen dizkiegu txuri-gorriei eta eurekin gaudela adierazteko ostiralean, Gorozikara joateko, umeei athleticeko kamisetak janztera animatzen zaituztegu (egun bereziak uniforme berezia eskatzen duelako).

Aupa mutilak!

BAKIOKO UMEAK KANTETAN

  Gaur arratsaldean Bakioko Koroak emanaldi polita eskaini digu Haur Hezkuntza eta Lehen Hezkuntzako 1go Zikloko ikasle eta irakasleei.

  Umeak oso ondo porta dira musikaz gozatuz.

  Eta azken abestian... SORPRESA!!! Eskolako neskatila bat, gure Malen, Koroko partaidea denez eurekin bat egitera gonbidatu dute. "Eneeee, hau looootsaaaa!!!" Pentsatu du, baina adoretsu lagun guztien aurrean ipini eta sano ondo abestu du.

   Artista batzuk zarete! 

DINOSAURIOEN DESAGERPENA

Hirugarren hiruhilabete honetan, 5 urteko gelan "dinosauroak" ikusten ari gara. Noiz bizi izan ziren, zein motatakoak ziren, zer jaten zuten... eta baita nola edo zergatik desagertu ziren. Ikusi izan dugu hainbat teoria daudela. Ezagunena edo ikerlari gehienek sustatzen dutena, meteorito batek jota desagertu zirela da. Hala eta guztiz ere, beste teorien artean sumendi baten leherketa baten ondorioa izan zela ere uste da. Horrela, sumendi baten erupzioa zelan gertatzen den ikusi nahi izan dogu.

GURASO BILERAK

Leer más publicaciones en Calaméo

ORTU/LORATEGI BERTIKALA

   Gaur ikastetxera joateko eta bertan Ortu/Lorategi Bertikala eraikitzeko aukera izan dugu. Guraso Elkarteak, Eskolako Agenda21 taldearen laguntzaz, antolaturiko ekintza izan da hau.

   Ikasleak ederto ibili dira lurra batetik bestera eramaten, lorontzien zulotxoetatik alanbreak sartzen, paleak prestatzen, hormak apaintzen, eta lorak landatzen, besteak beste. Haur Hezkuntzako hainbat ume ere ikusi ditut gaur patioan lan eta lan euren gurasoei laguntzen.

   Nahiz eta euri apur bat egin duen, goiz ederra pasa dugu, bai benetan! Ta oso polita geratu dela uste dut, orain danon artean zaindu beharko dugu denbora luzez iraun dezan.

Hemen daukazue egun horretako bideoa:

ZINEMA EUSKARAZ - TINKO

  Gure hizkuntza bultzatzeko asmoz Euskeraren Normalkuntza Planaren ekintzen artean urtero urtero, kurtso hasierako batzarretan komentatu dizuegunez, Bentades Ikastetxeko ikasleak Torrebillelara joaten gara, Tinko Euskara Elkarteak antolaturik, euskarazko film bat ikustera.

   Haur Hezkuntzako taldea bitan banatzen dugu beti ikuskizun honetara joateko, eta aurten ere horrela egin dugu, astelehenean talde bat eta asteartean beste bat joan egin gara.

  "Pim eta Pom" izan da ikusi dugun filma. Umeak gustura joan dira bidean, bikoteka (5 urteko gelakoak oso garrantzitsu sentitu dira 3 urtekoak eskutik eramanez), eta aretoan oso ondo porta dira, adi adi pelikula ikusten.

   Esperientzi hau sendotu eta zuekin elkarbanatzeko asmoz umeek txosten bat eramango dute etxera, elkarrekin gozatu dezazuela espero dugu. Badaezpada ondorengo estekan sinopsia irakur dezakezue: SINOPSIA.

AMAREN EGUNA

   Amaren eguna ospatzen dugu gaur, eta horregatik zuen seme-alabak lan eta lan ibili dira zuentzako oparitxo bat prestatzen. Bakoitzak bere adinaren araberako lana egin du eta denak zuen gustokoak izatea espero dugu.

3 urteko gelakoek opari goxoa egin dute ama-alabek elkarbanatzeko.

4 urteko gelakoek argazki markoa egin dute.

5 urteko gelakoek kutxa polita egin dute.

 


   Eta bukatzeko interneten Gabi de la Mazak elkarbanatutako karaoke hau usten dizuet, Pirritx, Porrotx eta Marimototsen Amatxo abestia:

ZORIONAK MUNDUKO AMATXU GUZTIEI!!!

OGIA EGITEN 4 URTEKO GELAKO UMEEKIN

   Jorratzen ari garen gaiarekin oso loturik dagoenez 4 urteko geletako irakasleak umeekin ogia egitea pentsatu genuen.

   Ekintza aurrera eramateko David eta Ainhoari laguntza eskatu ondoren pare bat errezeta ekarri zizkiguten: ogiarena bata eta txoripanena bestea. Guk gelan ogi soila egitea erabaki genuen.

   27 eta 26 ikasle izanda, eta denak parte hartzea ezinbestekoa denez, ogia bi egunetan egitea erabaki genuen. Eta honelaxe joan da gure sukaldari experientzia:


1go EGUNA:

   Errezetari begiradatxo bat eman diogu, osagaiak eta berauen kantitateak ikusiz:

• 850gr irin ("de fuerza").
• 550gr ur.
• Koilaratxo bat gatz.
• 45gr legami fresko.

   Lehenengo eginbeharra irina neurtzea izan da, horretarako bi modu erabili ditugularik. Elin gelakoei katiluan marra bat margoztu diegunez hararte bete behar izan dute; Ainararen gelakoak balantzaz baliatu dira katilu bakoitzak euki beharreko 50 gr-ak lortu arte.

 

   Umeak bere katilua bete, irina bolera bota eta txantilloian dagokion zenbakiaren gainean X egingo du. 17 ume mahai bakoitzetik pasa eta gero gatz koilaratxoa bota diogu, nahastu eta sumendia egin dugu irinarekin.

  Orain ura eta legamiaren txanda da! 50gr ur epeletan Elik eta biok legamia urtu eta gero pisuaren txanda izan da berriro. Oraingo honetan 10 umek klase bakoitzeko, balantzaz baliatuz, 50gr ur pisatu eta legami-ura duen bolera gehitu dute. Bakoitzak ere txantilloian dagoikon zenbakia tatxatuz.

   Irakasleen txanda da oraingoa. Apurka-apurka legami-ura lehen egindako irin sumendira bota eta oratu izan dugu denbora luze batez. Ikasleak bitartean marrazkiak egiten ibili dira. Osagaien kantitateak umeak pisatu izan dituztenez bi geletako oreak ez dira berdin geratu... Ai ama! Gure gelakoa pegatu egiten da!!!

Oreak trapu heze batez estali eta hogei minutuz leku epel batean deskantzatzen utzi eta gero hozkailura sartu dugu biharamunean gure opilak egiteko.

2. EGUNA:

   Goizean goizetik eskolara sartzean gure bi oreak hozkailutik atera ditugu epeldu daitezen. Eta gero, pazientzi handiz, masa bakoitza 27 zatitan banatu eta ume bakoitzari, txandaka, eman diogu oratu, opiltxoak egin eta norberaren izena duen banderatxoa ipini diezaioten. Eta behin umeen eskuak, mahaiak, tresnak eta dena garbitu ondoren (eta gure opiltxoak legamiaren ondorioz pixka bat hazi eta gero) gure 7 erretiluak eskolako sukaldariari eman dizkiogu labean sartu ditzan.

   Eta patiotik bueltan gure lanaren fruituak jaso ditugu.

 

ESPERIENTZIAREN BALORAZIOA

   Ba, nola ez pa? Positiboa. Nahiz eta bi egun erdi txoraturik ibili, umeek asko goxatu dute eta euren lanaz arro sentitu dira. Asko iaz Gorozikan egindako ogiaz ere oroitu dira eta hurrengoa noiz egingo dugun galdetzen hasi dira. Erantzuna??? Batek daki, hori bai, hurrengoan David gugaz ogia egitera gonbidatzen zaitugu, zuk masak egin eta guk umeak antolatuko ditugu ;-)

  Eta parrafada luze hau eta gero eskerrak ematea baino etzaigu geratzen:

• David eta Ainhoari, ideia kontatu genienean laguntzeko prest agertu zirelako, eskatu eta hurrengo egunerako errezetak elkarbanatu zituztelako, eta ekintza aurrera eraman aurretik agertu ziren zalantza guztiak argitu zizkigutelako. (Txoripanaren errezeta, beste askorekin batera, euren blogean aurki dezakezue http://recetasbonappetit.com/)
• Eskolako sukaldariari taldeari (Carlos eta Marian), bere sukaldea eta experientzia elkarbanatzeagatik, noizean behin Carlos gure mahaira hurbildu eta aholkutxoren bat emateagatik eta labaz arduratzeagatik.

Eta hemen duzue atera genituen argazkiak ikusteko helbidea: OGIA EGITEN 4 URTE

ON EGIN

ONGI ETORRIAK BLOG BARRIARI

  2.013-2.014 ikasturtean zehar Bentades Ikastetxean komunikazio bide berriak martxan ipini genituen, posta elektronikoa adibidez.

  Aurten Haur Hezkuntzako irakaslegoak aurrera pausu bat eman nahi dugu bide honetan hemen duzuen blog hau martxan jarriz. Bertan ikasgelan egiten duguna zuekin elkarbanatu nahiko genuke.

  Horrexegatik: ONGI ETORRIAK GURE BLOG BARRIARI