22. KORRIKA

 

Pandemiak eragindako murrizketak direla eta urtebete itxaron behar izan dugu 22. Korrika ospatu ahal izateko.

 Aurten Korrika eguerdian pasatu da Mungiatik eta LH5. mailatik aurrerako ikasleek bertan parte hartzeko aukera izan dute. Txikienek ordea eskolan Korrika egiteko aukera izan dugu.

 Protokolo guztiei jarraituz, ikasturteko burbuilak mantenduz, kalejira batekin hasiera eman diogu gure jaiari. Maila bakoitzak korrika egin du besteek animatu bitartean. Eta jolastoki guztiak guretzako bakarrik izan direla aprobetxatuz Haur Hezkuntza 2. zikloko ikasle guztiak batera korrika egitea erabaki dugu, mailaka tarteak zainduz.

 Primerako eguna izan da Haur Hezkuntzako ikasle zein irakasleentzako.

 Arratsaldez Lehen Hezkuntzako ikasleen txanda izan da. Mailaka korrika egin dute HHko ikasleek animatu bitartean. Ondoren danak batera HITZEKIN kantaren koreografia dantzatu dugu.

 Bukatzeko egunaren ebaluaketa egin dugu patioan. "Zer da egun honetan gehien gustatu zaizuna?" galdetu diegu eta korrika egitea, petoak janztea eta neba-arrebak ikustea bezalako erantzunak eman dituzte.

 Bentades ikastetxeko instragramean eskola mailako bideotxo bat ikusgai daukazue, eta hementxe Haur Hezkuntza 2. ziklokoek prestaturiko bideotxoa. Zuen gustoko izatea espero dugu.

"Euskara ez da daukagun zerbait,

garen zerbait baizik"

Karmele Jaio

GUGGENHEIM BILBAO MUSEOA

Loraldia proiektuan sartuta gaudela aprobetxatuz, benetako museoa zer den ikasteko asmoz, Guggenheim Bilbao Museoa ikustera joan gara Haur Hezkuntzako 5 urteko geletako ikasleekin. Arteaz eta arkitekturaz mintzatzeaz aparte gelan landutako edukiak gogoratu ditugu baita ere. Adibidez: zuzenak eta kurbak, handia eta txikia, luzea eta laburra, koloreak, fenomeno atmosferikoak,… 

Bisita arina izan arren primeran pasatu dugu.

Familian joaten eta bisita sakontzen animatuko al zarete?

Hemen argazki guztiak ikusgai dituzue.

IRAKURTZEA DIBERTIGARRIA DA!

NEXT ROBOTAREKIN IKASTEN!

 

Next Robotaren eskutik piloa ikasten ari gara! Etxeko txokoak eta bertan egiten diren ekintzak bereiztea, horrenbeste kostatzen zaigun eskuma eta ezkerra desberdintzen hastea, aurrera eta atzera joatearen arteko dezberdintasuna, txandak errespetatzea, lagunen lana baloratzea...

Jolasten naizelako ikasten dut!

GURE ESKOLAKO FAMILIA

Kaixo familiak!

Ikasturte hau berezi egingo duen Coronavirusak eskolatik eta elkarrengandik aldendu gaitu denboraldi baterako. Horregatik, lagunak pixka bat hurbilago sentitu nahi badituzue behean agertzen den bideoa ikustera animatzen zaituztegu. Bertan orain arte bizi izan ditugun momentuak eta egin duguna bildu ditugu. Egin klik argazkian eta gozatu bideoaz!

Eutsi gogor!! Laster ikusiko dugu elkar!

Mosu handi bat.

Aris, Irati eta Bego 😘💓

AGATE DEUNA BEZPERA

Aurten ere Agate Deuna abestu dugu Haur Hezkuntzan. Urduritasuna nagusi izan da goizean zehar: "amatxo etorriko al da?", "andereño, ez dut aitatxo ikusten!", "lasai maitia, berak bai ikusten zaitu zu 😉". Ze pozik eta harro irten diren danak familikoen txaloek lagunduta!

Ondoren ondo irabazitako txokolate eta bizkotxoak hartu ditugu eskolako jantokian.

Etorri ez zaretenok hemen duzue bideoa ikusgai. Lastima euri egin izana, aterpean ez da patio gorrian bezain ondo entzuten eta.

EUSKARAREN EGUNA

Abenduaren 3an Euskararen eguna mundu mailan ospatu zen. Bentadesen ere, euskararekiko konpromezua hartuta, "Euskararen astea" ospatu genuen.

Eskolako kanta eta "Gora euskara" abestiak gelan landu eta gero beste ikasle eta irakasleekin batera patioan abestu eta dantzatu genituen, baita euskal dantzak ikusi eta dantzatu genituen, gainera DBHkoen ikuskizunez gozatu genuen, eta noski txistorra goxoak ere dastatu genituen, e.a. 

Begira zein ondo ibili ginen!!!!

*******Sakatu hemen bideoa ikusi ahal izateko ******

Laister eskolako web orrian eta Normalkuntzaren blogean argazki gehiago ikusteko aukera izango duzue.

Bien bitartean hemen dituzue gure txikitxuak Matxin piratari kantatzen:

EUSKARAZ HEZI NAHI DUT!

EMAKUMEEN KONTRAKO INDARKERIAREN AURKAKO NAZIOARTEKO EGUNA

DBHko ikasle baten hitzak.

Gaur emakumeenganako indarkeriaren aurkako nazioarteko eguna ospatzen da. Bentadesek ere egun honekin bat egin nahi izan du gaurkoan. LH 6. mailako ikasleek bertso ederra prestatu eta patioan kantatu dute eta han egon gara 4 eta 5 urteko geletako ikasleak (beste askoren artean) gure ikaskideak entzun eta txalotzen.

Goizean goiz hasi gara lanean egun honen sinbolo den borobilo moreak margotzen, eta oraintxe DBHko ikasleek prestatu dituzten leloak pegatuko ditugu patioan. Bertara hurbiltzera eta gure gazteriak esan nahi diguna irakurtzera animatzen zaituztegu.

Eta gogoratu, egunero lan egin behar dugula indarkeria matxistaren aurka!

Hemen daukazue laburpentxo bat:

LIBURUTEGIRA BISITA

5 urteko geletako ikaslekin ostiral arratsaldean eskolako liburutegira joan ginen.

Bertan gure liburuzainak, Leirek, liburutegiaren funtzionamenduaren berri eman zigun: ordutegia, liburuak hartzeko jarraitu beharreko pausuak, liburuak zaintzaren garrantzia, e.a.

Aldez aurretik, eskulan gisa, gure "liburutegi karneta" egin genuen gelan. Ez da karnet ofiziala, baina Leirek badakienez ikasleei ilusioa egingo diela, gurasoek lagundurik doazen lehenengo egunean eramatea eskatu die

Orain zuen esku dago zerbitzu hau erabiltzea eta umeen irakurzaletasuna pizten laguntzea!

 

 


LIBURUTEGIKO SITEA

LIBURUTEGIKO LEHIAKETA

Hilabete honetan AFRIKA aukeratu da gai gisa.

Bertoko herri edo kulturaren bat aukeratu eta haren eskulan bat prestatu.

Beti bezala, hemen daukazue hilabete honetako esteka eta zalantzarik izanez gero, liburutegira joan lasai!!!

ERREKAMARI

Jakin badakizue gure ikastetxeak "Eskola Jasangarria Ziurtagiria" jaso zuela iaz, ezta? Ba ziurtagiria mantentzeko lanean jarraituko dugu urtez urte.

Hala eta guztiz ere umeek bereganatzen dituzten ohiturak ziurtagiria bera baino askoz garrantzitsuagoak dira. Eta ohitura horiek lantzen gabiltza buru belarri haur hezkuntzan.

Oraingo honetan Eusko Jaurlaritza eta Udaletxearen eskutik Torrabillelara joan gara Erreka Mari txotxongilo ikuskizunaz gozatzera. 

Erreka Mari ezagutu dugu, Euskal Herriko azken lamia. Gizakion arduragabekeriek gure erreken bizitzaren galera dakarrela argi utzi digu Enkarnik bere txotxongiloez baliatuz.

Hemen dituzue argazkiak.

ZINEMARA: GRUFALOA

Aurten ere Torrebillelara joango gara TINKO EUSKARA ELKARTEAK eskaini digun filma ikustera.   

Euskara bizitzako esparru guztietara zabaldu behar dugu, normalizatu behar dugu. Ezin dugu gure hizkuntza maite hau esparru akademikoan soilik erabili! Anima zaitezte seme-alabekin euskaraz egitera, naiz eta hasieran zaila irudituko zaizuen, zenbat eta gehiago egin are errazagoa izango da eta!

LIBURUTEGIKO LEHIAKETA

Martxan da apirileko lehiaketa.

Zertan datzan jakin nahi izatekotan klikatu  HEMEN.

Zorte on denori!!!

ZUHAITZAREN EGUNA

Gaur zuhaitzaren eguna ospatu dugu gure geletan. Zuhaitzen garrantziaz hitz egiten eman dugu goiza (adinaren arabera): airea garbitzen dutela, luiziak ekiditzen dituztela euren sustrai sendoekin, animalia askoren bizitokia direla, fruituak ematen dizkigutela, e.a. 

Azken finean, natura oso garrantzitsua dela eta berak zaintzen gaituen moduan guk zaindu beharko genukela.

Hemen dituzu ARGAZKIAK ikusgai.

AGATE DEUNA 2019

Beste urtebetez hemen gaituzue haur hezkuntzako ikasleak Agate Deunaren bezperan kantu zaharra kantatzen.

Lan bikaina egin eta gero txokolatea hartu dugu. Ummm, bai goxoa!


Argazkiak

LIBURUTEGIKO LEHIAKETA

Hemen daukazue urtarrileko lehiaketaren berri:

URTARRILEKO LEHIAKETA

Anima zaitezte eta parte hartu!

LIBURUTEGIKO LEHIAKETA

Liburutegiak web berria estreinatu du aurten.

Hilabetean behin lehiaketa bat antolatzen da eta ikasle guztiek parte hartu dezakete, bakoitzak bere adinera egokitutako lanak entregatuz.

Abenduko lehiaketaren nondik norakoan hurrengo esteka honetan topatuko dituzue:

https://sites.google.com/bentadesikastetxea.com/bentadesekoliburutegia/lehiaketak/abenduko-lehiaketa

Animatu parte hartzera eta zorte on!!!

OLENTZEROREN LAGUNAK

Ikastetxeko berrietan irakur dezakezuenez Olentzeroren lagunak gurera etorri zaizkigu gaur.

Irakurri hemen gehiago!

UDAZKENA LANTZEN 5 urteko gelan

Bai ba, udazkena heldu zen! Ze pozik ibili ginen Torrebillela parkean zehar hostoak batzen! Perretxikoren bat ikusteko aukera izan genuen! Eta makilekin jolasean ibili ginen baita ere, hori bai, minik hartu barik, e? Irakasle berriek lagundurik Arisen gelakideok goiz ederra pasa genuen parkean hara eta hona xomorrotxoak eta fruituak topa nahian. 

Bai hosto piloa! Gelan dana klasifikatu ondoren hurrengo ariketak egin ditugu.

1. Konposizio bat egin eta hura kopiatzen saiatu.
2. Hostoa ikustean zein animalia ikusten duzu?
3. Mandala ere egiteko aukera izan dugu.
4. Murala.

Maite dugu udazkena!!! Baina neguko elurraren esperoan gaude, jeje!

Udazkeneko argazkiak

URAREN TAILERRA

"Non dago ura gure planetan? Dena edangarria al da? Zer egin dezakegu guk ur baliogarri hori zaintzeko?"

Hauek eta antzeko galderei erantzun ematen laguntzeko Udaletxeko Agenda21 zerbitzuko Itziar gurera etorri zen asteartean.

Azalpen labur bat entzun eta pare bat bideo ikusi eta gero argi eduki genituen pare bat ideai:

• Ez dugu ura alperrik galdu behar.
• Dutxa hartzen saiatu behar gara bainua hartu ordez. Hori bai, baten batek ur gutxirekin bainatzen dela esan zigun (ea irakasleak berriro ez egiteko esango didan...).
• Eskuak, hortz-haginak, platerak, e.a. garbitzerakoan txorrota zarratu egin behar dugu.
• Garbigailua zein ontzi-garbigailua beterik daudenean jarri beharko genituzke, ez arinago.

Eta orain gure oka-jolasa prestatzeko gai garenez buru-belarri aritu gara uraren erabilera egoki eta desegokiak dituzten marrazkiak koloreztatzen, mozten eta oka panelan itsasten. Eta orain? Ba, jolastera!!!

Hemen argazkiak.