NORBERE EZAGUTZA

 Frida Khaloren artelanaz baliatuz norbere gorputza ezagutzen.

#Khalo #HaurHezkuntza #Nortasuna

BALIABIDE DIGITAL PROPIOAK. HEZKUNTZA PROZESUAN PARTE-HARTZE AKTIBOA

 Haur Hezkuntzako ikasleek jolas digitalen sorkuntzan laguntzen dutenean ikasteko gogoa pizten zaie. Jolas hauetan ahotsa grabatu dute.

NIK MAITE DUT NEGUA

Bagaude bueltan!!! 2. hiruhilabete hau neguan murgilduta hasi dugu. Negu polita aurtengoa. Askok konta diguzue elurretara txangoan joan zaretela, maldan behera plastiko edo leran irrist egin duzuela. Bai jostagarria dela negua! 

Eskolan ere negua lantzen gabiltza. Hemen maila bakoitzeko adibide batzuk ikusgai dituzue:

• 3 urteko geletan zuhaitz ederrak egin dituzte taldeka tenpera eta burbuila-plastikoak eta egur-koilarak erabiliz.

• 4 urteko geletan neguko koloreekin eta laukiekin mosaikoak landu ditugu.

• 5 urteko geletan material desberdinekin mandalak egin dituzte. Beti bezala ume batzuk espazio osoa betetzeko ohitura duten bitartean beste batzuek apur bat egitearekin nahiko dute.

Eta hemen lantzen ari garen abestia:

AZAROAK 25

 Haur Hezkuntza feminista. Berdintasunean hezi eta hasi behar garelako eta biolentzia ez dugulako onartzen, aurten ere "BENTADESEN PARTEZ; EZ DA EZ!"

MOLI ETA ELIREN GELAN GOZATZEN

Kaixo familia!!!


Egoera berezi hauetan eskolatik urrun gaude eta eskola pixka bat hurbilago ikusteko, bizi izan ditugun momentuak gogoratzeko, bideo txiki bat egin dugu.
Batzutan pozik ibili gara jolasean, kantetan, noizean behin triste ere ipini gara, haserretu bebai,... elkarrekin bizi izandako momentu asko eta asko ditugu buruan.
Etxekoek ikusteko zenbat gauza egiten ditugun eskolan .Ziur laster bueltatzen garela.
Klik egin argazkiak eta gure gelan sartu.....


Laster denok besarkatuko gara!

  

GURE ESKOLAKO FAMILIA

Kaixo familiak!

Ikasturte hau berezi egingo duen Coronavirusak eskolatik eta elkarrengandik aldendu gaitu denboraldi baterako. Horregatik, lagunak pixka bat hurbilago sentitu nahi badituzue behean agertzen den bideoa ikustera animatzen zaituztegu. Bertan orain arte bizi izan ditugun momentuak eta egin duguna bildu ditugu. Egin klik argazkian eta gozatu bideoaz!

Eutsi gogor!! Laster ikusiko dugu elkar!

Mosu handi bat.

Aris, Irati eta Bego 😘💓

AULKIEKIN JOLASEAN MOLI ETA AINARAREN GELAN

Hemen daukazue gelan atera nituen azken argazkien bideotxoa. Argazkiak ez dira oso onak, baina material honekin eskolan fitxez aparte, hainbat eratara ikasten dutela ikus dezakezue!!

Adibidez, oso pozik ibiltzen dira zirkuitoekin jolasean. Esan beharra dago, jolas hau espontaneoa izan zela, jolas librea.
Umeak eurak bakarrik jolasean ari direnean gauza asko eta asko bizi eta ikasten dituzte, euren sormena lantzen dute, hipotesiak egiten dituzte eta euren kabuz baieztatu edota ezeztatzen dituzte. Bideoan irakurri dezakezuenez koloreak, txandak, errespetua, gatazkei aurre egitea (beste talde batek aulkiak behar zituen baita ere), komunikazioa eta beste hainbat gauza landu dituzte, modu natural eta altruista batean.

Sakatu argazkian eta ikusi!

Laister alkarrekin egongo garelakoan...