GABONAK 2015

Beno ba, hiruhilabetea bukatzear dago, horrenbeste egun jolasean, lanean, ikasten egon eta gero, deskantsatzeko garaia heldu da. Ze pozik joan diren danak etxera eurek egindako gabonetako apaingarriekin!!!

   

       

3 URTE -AZALA

3 URTE - BARRUKOA

           

4 URTE

5 URTE

Baina oporrak hartu aurretik oso egun berezia bizi behar dugu oraindik ere:

GABONETAKO JAIA

Ikasleak zirrara handiz egun hau itxaroten ari dira, Olentzerori (eta zuoi) abesteko kantak prest dauzkagu (badakizue batzuk abestu beharrean inguruan gertatzen ari denari begira egongo direla, beste apur batzuk izutu daitezke Olentzero ikustean, eta bataren bat dantza eta dantza ibiliko da ezin izango duelako urduritasunaren urduriaz geldi egon).

Ahalik hoberen irtetzea espero dugu!

Asteartean umeak baserritarrez jantzita ekarri eskolara (komenigarria litzateke abarkarik ez janztea kordelak behin eta berriro askatzen direlako). Goizeko 10etan ospakizunari hasiera emango diogu eta bertan ikusi nahi zaituztegu.

Bi gauzatxo gogoratu behar dizkizuegu:
* Arratsaldez ez da klaserik egongo.
* Argazkiak ateratzeaz eskolako langileak arduratuko dira gero gure webgune eta blogetan ikusgai ipiniz.

Ba asteartean nahiko lanpetuta egongo garenez gaur agurtzen gara ofizialki.

Gabon zoriontsuak eta Urte Berri bikaina opa dizuegu

Patxo bana.

Haur Hezkuntzako irakasleak


* ARGAZKIAK

IBAIALDE TXIKI 5 URTEKO GELAN

Hiruhilabete honetan zehar Agenda21eko "AZTERTU" programaren barruan, Eusko Jaurlaritzak zabaldutako "Ibaialde Txiki"  materialaz baliaturik, ibaiak aztertzen egon gara.

Haltzak lagungurik inguruarekiko jakin mina eta interesa pizten saiatu gara, gizakion ekintzak duen eragin negatiboa nahiz positiboa antzemateko gaitasuna sortu  nahi izan dugu, ibaien ezaugarriak eta berauek osatzen duten elementuak ezagutu ditugu, e.a.

Ekintzen artean gehien gustatu izan zaiena puzzle erraldoia izan da. Piezak taldeka ipini ditugu eta gero bakoitzak ibaiaren paisaiaren gainean egokitu zaion irudia ipini du: loreak, animaliak, zubia, txalupa, zaztarrontzia, zaborrak, e.a. Ikusi, ikusi:

OLENTZERO BADATOR

HH 4 eta 5 eta LH-ko 1go zikloklo ikasleak Landetxo Goikoan bizi diren izaki magikoen bisita izan dute gaur arratsaldean.

Tartatalo, Mari Domingi eta Mari Teiletakok Olentzerori idazteko gutunak banatu dituzte.

Apur batzuk sustoa hartu dute Tartalo handi-handia ikustean, baina Mari Teiletakorengana hurbiltzen ausartu dira.

Abenduan gaude iada, eta gero eta hurbilago ditugu gabonak, tik-tak, gogoratzen dizuegu klaseko azken egunean, 22an, jaialdia ospatuko dugula.

ARGAZKITXOAK 

EUSKARAREN EGUNA

Gaur sekulako eguna pasa dugu Bentades Ikastetxean Euskararen eguna ospatzen.

Hurrengo egunetan zehar EUSKARAREN BLOGAN irakurri eta ikusi ahal izango duzue.

Baina hona hemen aurrerapen bat:

ARGAZKIAK

EZ IKUSIARENA EZ EGIN

Hezkuntza komunitate osoak indarkeria sexistaren kontrako erantzun sendoa ikustarazteko helburuagaz eta "Ez ikusiarena ez egin" lelopean gaur Emakumeonganako indarkeriaren aurkako nazioarteko eguna ospatu dugu Bentades Ikastetxeko kideek.

Haur Hezkutzari dagokionez Alebrijeak ipuina landu dugu. (Hona hemen interneten alebrijeak bilatzerakoan aurkitu dezakeguna: ALEBRIJEAK)

“Mirenek leihotik begiratu zuen behin baino gehiagotan zerua argi-argi zegoen eta, hodei formak asmatzea gustatzen zitzaizkion: txakur bat, tiburoia, aurpegiak... eta abarreko formak. Mirenek sormen handia zeukan, baina egun hartan, ez berak bakarrik , gelako ume guztiek disfrutatu zuten klasean oso. Tutoreak Euskal Herriko kontakizun batzuk irakurtzeaz aparte sarritan beste herriko mitoak eta kontakizunak ere kontatzen zizkien, egun horretako kontakizuna "alebrije" izan zen. Alebrijeak Mexikotarrak direla ikasi zuten: irudizko izakiak, animaliak dira, eta gorputza animalia ezberdinez osatuta daude : txakur bat behiaren adarrekin, besteak beste, fantastikoak eta errealak, oso kolore distiratsuez margoztuta... Oso pozik atera ziren gelatik politak baino politagoak benetan irudiak… Patioan zeudela, bapatean oihu batzuk hasi ziren entzuten, norabide horretara begiratu eta, hara non, Miren ikusi zuten bere gelako Mikel eta honen lagun batzuek inguratuta. Arrapaladan hurbildu ziren eta Mikelek Mireni musu bat eman nahi ziola eta honek ezetz atzeman zuten. Mikel, kasurik egin gabe, gehiago hurbildu zitzaion eta baietz eta baietz esaten zion etengabe. Bitartean, Mikelen lagunek Mireni musukatzeko oihukatzen zioten, gero eta gehiago, gero eta ozenago… Miren oso txarto pasatzen ari zen eta buruarekin ezetz eta ezetz esaten zuen...“

Eta orain danon artean bukaera on bat eman behar izan diogu ipuin honi. Denetarik entzun dugu:

• Irakasleari edota heldu bati laguntza eskatu...
• Miren eskutik heldu eta mutilen artetik atera. "Bai, baina Mikel atzetik segika joan daiteke" esan du baten batek...
• Mikel eta bere lagunengana hurbildu eta txarto egiten ari direla esan, ea ez al duen ikusten Miren txarto sentitzen dela...

Bukatzeko umeek koloreztatutako alebrijeak "Hezkidetza Txoko"-an itsatsi ditugu mural eder bat eginez.

ITSASMINEZ

Azken aste hauetan Itsasminez ipuina lantzen ibili ondoren, gaur, 4 eta 5 urteko geletako ikasleekin Torrebillelara joan gara, Rosa Martinezen eskutik, txotxongilo ikuskizunaz gozatzera.

"Argi ikusiko dugu!"  batek, "eta baita Pulpez ere" beste batek... "osaba Joxe handik egongo ote da?" "eta, nor da Argiren amatxo???" Ze urduri egon diren danak!

Zinema aretora sartu garenean danak txutxu-mutxuka hasi dira agertokiari begira. Zenbat gauza egon diren bertan!!! Arraroa egin zaie, bai, normalean hara filmak ikustera joaten garelako eta, orduan, eszenatokia hutsik egoten baitelako. Baina gaurkoan ez, gaurkoan itsasoan lan egiten duen Joxe urpekariaren zerikusia duen istorioa biziko dugu...

Ze ondo abestu duten sarrerako abestia!!! Batzuk etxean daukazue iada gelan landutako musikograma, beste batzuek gaur eramango duzue etxera umeekin abestu ahal izateko.

Obran zehar Argik umeei begiak itxiteko eskatu die eta ia denek kasu egin diote, eta zabaltzerakoan... "ahhhhhhhh!!!!" ozen bat entzun da ur azpiko mundu miresgarria ikusi dutenean.

Eta, nire ustez, gehien gustatu zaiena? Ba, Pulpez olagarroa. Fuerte-fuerte deitu behar izan diogu lo egon da eta...

Benetan ondo pasa dutela txotxongiloak ikusten. Eta ze formal joan diren bidetik. Errepikatzeko irrikitan gaude.

Asteburu ona pasa!

*Oharra: bideo-musikogramak egiteko erabilitako marrazkiak internetetik hartu ditugu, gero guk hitzak ipini eta montajea egin dugularik.

4 URTE, UDAZKENA

4 urteko ikasleekin udazkena urtaroa landu dugu. Horretarako kalean batu dituzte zuhaitzen hosto zikuak. Gelan hormairudi bat prestatu dugu denon artean, non zuhaitzaren enborra argizariz margoztu dute eta bertan batutatuko hostoak itsatsi dituzte. Horrez gain, perretxikoz apaindu dugu. Sarrerako kristaleran daukazue maskotekin ikusgai.

Lan honen argazkiak hurrengo linkan daude: Udazkena Lantzen

3 URTEKO GELA, EGOKITZAPENA

Guraso eta senideok,

Lehenengo eguneko negarrak, kezkak, tristurak atzean utzi ditugu eta orain eskolan gauza asko ikasteko prest gaude.

Lagun pilo gara eta hainbat gauza egiten ditugu egunean zehar.

Ze ondo egokitu gara gela berrira!!!

Noizean behin negar egingo dugu eta behar bada egun batzutan ez dugu eskolara etortzeko gogorik izango, baina hori normala da, nagusiek beti ez duzue nahi lanera joan, ezta??

Nagusi egiten ari gara, baina oraindik hiru urte baino ez ditugu (batzuk bi baino ez). Denbora behar dugu eta bakoitzak bere erritmoa izango du.

Zuek lasaitasunez hartu behar dituzue gure ardurak eta guztion artean gauza pilo bat egiteko gai izango gara.

Ekin eta animo!!

ESKOLAKO LIBURUTEGIRA BISITALDIA

   Hontza eta Xaguak dira aurtengo gure bidelagunak eta beraiekin batera hilabete honetan zehar liburuak nondik datozen, imprimategi modernoa nork asmatu zuen eta liburutegien inguruan asko berba egin dugu klasean. Hitz egiteaz gain gure liburutegiko txartela propioa egin dugu baita ere!

   Eta ostiralean istorio guztiak, norbaitek aurkitu zain, ezkutuan dauden leku magiko batera joan gara: LIBURUTEGIRA. Bi gelak batera isil-isilik igo ditugu nagusien pisura joateko eskailerak (ikasle nagusiak lanean ari direla baitakigu). Liburutegian pertsona oso jator bat egon da gure zain: Leire, gure liburuzaina.

   Leireren eskutik liburutegiaren funtzionamendua errazago ulertu ahal izan dugu: zein motatako eta hizkuntzetako liburuak dauden bertan, pelikula gutxi dauden arren (haur hezkuntzako pisuan baititugu geuk gordeta) animaliei buruzko hainbat dokumental badirela, liburuak hartzeko Leireri baimena eskatu behar diogula, zenbait liburu ezin direla liburutegitik atera, eta atera daitezkenak 15 egunez gehienez etxean euki ditzazkegula (eta bitartean oso ondo zaindu behar ditugula), e.a.

   Benetan oso ondo porta garela bisitaldi honetan eta piloa gozatu dugu!!!

ZE ONDO AZALTZEN DUEN LEIREK!!!

HIZTEGIA, BAI POTOLOA!!!

ADI-ADI TXARTELA ESKUETAN.

BIDEOAK IKUSTEN.

FRUTA EGUNA

Hasi ditugu urriarekin batera klaseak goiz eta arratsaldez, eta horrez gain "fruta eguna" ospatzen dugu Haur Hezkuntzan:

Gaur sagarraren eguna izan da.

3 urteko geletako ikasleentzako nobedadea izan den arren gustura ikusi ditut euren zatia jaten (eta baita errepikatzen ere!!!). Eta besteen artean baten bat etxetik "ama, nik ez dut sagarra jan nahi" esaten etorri den arren... orokorrean oso harrera ona izan du ekintza honek (ni neu alboko gelara joan naiz sagar gehiago eskatzera). Etxean halakoak jatea horrenbeste kostatzen zaien arren, askotan, eskolan albokoak ikustean hauek probatzera animatzen dira gure txikitsuak.

Jakin badakizuenez hamabostero ospatuko dugu fruta eguna, eta, horretarako, zuen partehartzea ezin bestekoa da.

Eskerrik asko.

GURASO BILERAK

   Hemen duzue hurrengo astean ospatuko ditugun kurtsoko bileren deialdia.

   Batzar guztiak informatika gelan izango dira; lehenengo solairuan, pasabidearen bukaeran.

   Orduan heltzea eta seme-alabarik ez ekartzea eskertuko genizueke.

IKASTURTE BARRIA HASTERA GOAZ

Uda handik hona ibili zaretela suposatzen dut, hondartzan, igerilekuan, parrandan, aitite-amonen etxean,... Baina iada pilak kargeta bueltatzeko ordua heldu zaigu.

Amatxo eta aitatxoren laguntzaz arropa barriak, zein iazkoak, armairutik atera behar ditugu, zapatak garbitu, motxilak prestatu ("ai ene!!! Uda osoan zabaldu barik egon da eta zer aurkituko dugu barruan???!!!"). Ze ondo, eskolako laguntxuak ikusiko ditugu ostabere!!!

Gu be antzeko-parezido gabiltza, azken momentuko erretokeak ematen, puzzleak errepasatzen, panpinei aurpegiak garbitzen, liburuei izenak idazten, kakoetan argazkiak pegatzen, e.a. Biharko dana prest egon behar da eta!!!

Badakizue, goizeti joan lotara, atseden hartu, ederki gosaldu (frutarik ezin da falta gosari on batean!) eta asko ikasteko prest etorri bihar gelara. Goizeko 8:50tan ateetan egongo gara zuen zain.

   

JOLASTOKI BEREZIAK

   Normalkuntza planarekin jarraituz aurten jolastoki bereziak antolatu ditugu.

   Alde batetik asteazkenero euskal musika jarri izan dugu patio orduetan: Pirritx eta Porrotx, Korrika abestiak, Ken Zazpi, Gatibu, Urtz, Imanol Urbieta, euskal dantzak, Benito Lertxundi, e.a. Ikusten duzuenez mota guztietako musikaz gozatu ahal izan dute, hori bai, baldintza bakarra euskaraz kantatzea edota euskal musika-tresna tradizionalak erabiltzea izan da.

   Beste alde batetik, klasean lantzen ditugun jolasen artean, hilabetero bat hautatu eta patio orduan beste ikasleei erakutsi diegu. Haur jolas hauek abestiak edota errezitatuak lagundurik doaz eta, berauekin hizkuntza lantzeaz gain, gure kultura ondarean sakontzen dugu, dena giro alai eta jostagarri batean.

Dana ezin izan dugu dokumentatu, baina hona hemen zenbait ARGAZKI ETA BIDEO (azken hauek editatzen trebatzen hasi gara, espero dugu zuen gustukoak izatea):

• 3 urte - Sagu txiki
• 3 urte - Sugea
• 4 urte - Zubiri
• 4 urte - horma, txiri, jo 
• 5 urte - Domino Abante

   Mungiako Udalak ere euskararen erabilera bultzatu eta kultur ondarea zabaldu nahian bere Mungian Zaharrak Barri proiektua aurrera eraman du, begiradatxo bat botatzera eta zuen seme-alabekin partekatzera animatzen zaituztegu.

Goxatu eguneroko bizitzaz jolasean!!!

EUSKERAREN ASTEA

 Abenduaren lehenengo astean Euskararen Astea ospatu genuen Bentades Ikastetxean. Horretarako hainbeste ekintza aurrera eraman genituen:

• Marrazki lehiaketa. Gure marrazkiekin mural eder bat egin genuen.
• Leloen grabaketa.

 Eta asteko egunik garrantzitsuena abenduaren 3a izan zen,  euskararen nazioarteko eguna:

• Haur Hezkuntzako ikasleek "Kili-kili bat" abestia abestu zuten.
• Urte bikoek Imanol Urbietaren "Ran rober ran" uztai eta guzti dantzatu zuten (ze majoak!).
• Marrazki lehiaketaren sariak banatu ziren.
• Txistor goxoak dastatu genituen.
• Dantzan ibili ginen.
• Herri kirolak egin genituen: lokotx biltzea, sokatira eta paratxutea.
• Marrazkiak ere egin genituen.

 Hemen Haur Hezkuntzak ataratako argazkiak ikusi ahal izango dituzue.

 Eta Bentades Ikastetxeak argitutarako Haur Hezkuntzako bideoak ondorengo hauek dira:

• Euskeraren Eguna
• Sokatira 3urte
• Lokotx biltzea 4 urte
• Lokotx biltzea 5 urte
• Patioan dantzan
• Kili-kili bat

IHAUTERIAK 2014-2015 -- Editatua

"Gu sorginak gara
festa ta algara
suaren inguruan
akelarrea dantzan"

 Takolo, Pirritx eta Porrotx. Poxpolin Marisorgin. 2003

   Ba bai, aurten sorginaz eta aztiaz mozorrotu gara karnabal eguna ospatzeko.

  Mozorroak eta dantza prestatzen hasi ginenean ikasle apur batzuk bildurtuta egon ziren ("andereino, ez hurbildu", "ez egin horrela barre", e.a.) baina entsailoak gora entsailoak behera sentimendu hori pozean transformatu dugu, gaitzerdi!

   Urduri egon dira kalejira prestatzen, aitatxo eta amatxo begira egongo direla, keak ea ipurdia erreko ote dien, txalaparta nork joko duen... (Ez ziren egongo ba, geu be nerbioak jota geunden eta!!!). Hala eta guztiz ere oso gustura lan egin dugu. Eta lan guzti horren emaitza zuen gustokoa izatea espero dugu.

   Umeekin akelarrean egon garenez ezin izan dizkiegu Haur Hezkuntzatik nahi izandako argazki mordoa atera. Hala eta guztiz ere Marijosek lan bikaina egin du grabaketa egiten eta ondorengo estekan Bentadesko bideo ofiziala ikus dezakezue.

• ZENBAIT ARGAZKI
• IHAUTERI BIDEOA

   

   Ez nuke sarrera hau bukatu nahi lagundu gaituzten guztiei eskerrak eman barik:

• Adarra jotzen: Julen, Peio eta Ander.
• Txalapartan: Beñat eta Aitor.
• Kalejiran laguntzen: Itzi eta Amaia.
• Lapikoak egiten eta umeak jantzi eta entretenitzen: DBHko ikasleak.

OLENTZERO 2014-2015

 Olentzero eguna pasa zen, ta ondo pasa gainera. Bakarrik esan nahi dut umeek sekulako eguna igaro zutela prestatutako abestiak kantatzen, Olentzero ikusten eta beronen opariak jasotzen eta txokolate eta bizkotxo goxoak dastatzen.

 Oraingoan aldaketatxo bat jasan genuen betiko festa honetan. Olentzerok ume bakoitzari txokolatezko Olentzerotxu bat eman zien (lasai, alergikoentzako bereziak zeuden!) eta, gainera, kurtso bakoitzeko, gelan erabili ahal izateko beste opari eder bat.

 Ikasleek gelan eskutitza idatzi ondoren honexek izan dira Olentzerok aukeratu zituen oparitxoak:

• 3 urte: puzzleak.
• 4 urte: mozorro kutxa.
• Argazki gehiago. 
• 5 urte: mozorro kutxa.

 
Eskolako orrialde ofizialean egun horretako ondorengo argazki eta bideo hauek eta gehiago eskegita daude (nik hemen Haur Hezkuntzakoak soilik ipiniko ditut):

• Argazkiak.
• Umeak jesartzen.
• Kanpaiak jaietan abesten.

 Eta festaren aurretik Olentzeroren laguntzaileen bisita eduki genuen ikastetxean. Hemen ikusgai.

2015-2016 IKASTURTERAKO BEHARREZKO MATERIALA

Zirkular baten bidez jakinarazi genizuenez datorren irailaren 9an ikasleek ondorengo gauza hauek ekarri beharko dituzte gelara:

 

 

 

*** AKATZA: 5 urteko gelako gaztelerazko idazkian ez du ipintzen margo berriak erosi behar izatekotan  hauetatik MOTA BAT bakarrik hautatu behar dala.

En la circular del aula de 5 años en castellano no pone que, de tener que comprar pinturas nuevas, solamente hay que traer UNA CLASE de las que se muestran.

Lehen Hezkuntzako 1. mailara doazen ikasleak, heziketa fisikoko ekipamenduaz aparte, eskolako uniformea erabiltzen hasiko dira, "Corte Inglés"-ean eros daitekeena. Eskolako webgunean, http://www.bentadesikastetxea.com/,  uniformea zertan datzan eta hurrengo ikasturterako erosi beharrezko  liburu zerrenda topako dituzue.

IKASTURTEA BUKATU DA

Beno ba, kurtsoa bukatu zaigu. Zenbat gauza bizi izan ditugun ikasturte honetan zehar, pozik ibili gara jolasean, kantetan, nohizean behin triste ipini gara, haserretu bebai, noski, esperimentuak egin ditugu, mozorrotu gara,... elkarrekin bizi izandako momentu asko eta asko ditugu buruan.

Eta agur esateko momentu honetan azken eguneko merendoletako hainbat argazki eta gelako maskotekin eramandako liburutxoetan umeek egindako marrazkiak uzten dizkizuegu.

Pilak kargeta elkar ikusiko dugu irailaren 9an. Uda ederra pasa!!!

3 Urte A - Umeen marrazkiak

3 Urte B - Umeen marrazkiak

4 Urte A - Umeen marrazkiak

4 Urte B - Umeen marrazkiak

5 Urte A - Umeen marrazkiak

5 Urte B - Umeen marrazkiak

KIROL EGUNA - editatua

"Galduta ere berdin

irabazten dugu,

lagunekin bai, larai,

alai osasuntsu"

"Kirola oe, oe!" "Irrien Lagunak" Pirritx, Porrotx eta MariMotots

    Gaur Bentades Ikastetxean Kirol Eguna ospatu dugu.

   Haur Hezkuntzako umeekin gelara joan gara lehenengo orduan egunean zehar egin beharreko ekintzen berri emateko eta hamar t'erdietarako aterpean egon gara zumba egiteko prest. Hautzandegia kenduta ikasle guztiak DBH-ko neskatoen aginduak jarraituz dantza bat egiten saiatu gara. 3 urteko gehienak, egia esan, dantza egin beharrean danari begira egon dira, aho zabal! Baina apur batzuk gorputza ederto astindu dute gero!!!  2 urteko gelakoak gu ikusten etorri diren arren dantza egiten bukatu dute baita ere, ze majoak!

   Ondoren jolasen ordua izan da:

• 3 urteko geletako umeak sugeetara jolasten egon dira, bakoitzak soka bat izan du eta espazioan zehar mugitu behar izan du beste inorena zapaldu barik. Gero soka guztiekin suge luze bat egin eta beronen gainetik ibili behar izan dute. Azkenik sagu txikira jolasten ibili dira.

                                     

• 4 urteko geletako umeak aulkien jolasean ibili dira, aulkien ordez uztaiak erabili ditugularik. Ondoren azeri ehizan jolastu dira.

                                      

• 5 urteko geletako umeak lokotx-biltzean jolastu ondoren zapiaren jolasarekin bukatu dute eguna.

                                         

   Gaileta pare bategaz indarrak berritu ondoren nagusien lasterketa ikustera joan gara patio gorrira. 5 eta 4 urtekoak animatu dira eta ziztu bizian abiatu dira eurak be lasterketa egiteko asmoz.

   Egun borobila gaurkoa, zihur oso ondo egingo dutela gauean lo.

   Hemen dituzue argazkiak. Eskolako webgunean bideoa laster egongo da ikusgai. Gure bi bideo txiki ikusgai dituzue:

   Eta hasi garen moduan bukatuko dugu interneten aurkitutako bideo honekin:

OE OE OE OE KIROLA

GOROZIKAKO ARGAZKIAK IKUSGAI

Hona hemen argazkiak ikusteko estekak:

• 3 urteko gela.
• 4 urteko gela.
• 5 urteko gela.

GOROZIKA

Nahiz eta eguzkia hodeien artetik bueltatzeko orduan irten den egun ederra pasa dugu Gorozikan.

Umeak primera ibili dira ogia, gailetak eta erroskilak egiten sukaldaritza tailerrean; ze jostagarria eskuekin orea manipulatzea! Kandela, txorimalo eta karpeta oso politak egin dituzte baita!

Ausartenak ere astotxoari azenario goxoak eman dizkiote jaten.

Bazkaltzeko orduan bai goxoak amatxu eta aitatxuren ogitartekoak!!! Eta patatak elkarbanatzen baditugu??? Are goxoago!!!

Eta autobusean bueltan danak erdi lo etorri dira (apur batzuk lo seko).

Orain asko deskantza eta pilak ondo kargatu bihar asko animatzeko! Ondo pasa asteburua eta aupa Athletic!!!

AURTEN BAI!!!

      Ea ba egia den eta aurten kopa gurera ekartzen dugun!!!

   Gure partetik animo guztiak bidaltzen dizkiegu txuri-gorriei eta eurekin gaudela adierazteko ostiralean, Gorozikara joateko, umeei athleticeko kamisetak janztera animatzen zaituztegu (egun bereziak uniforme berezia eskatzen duelako).

Aupa mutilak!

BAKIOKO UMEAK KANTETAN

  Gaur arratsaldean Bakioko Koroak emanaldi polita eskaini digu Haur Hezkuntza eta Lehen Hezkuntzako 1go Zikloko ikasle eta irakasleei.

  Umeak oso ondo porta dira musikaz gozatuz.

  Eta azken abestian... SORPRESA!!! Eskolako neskatila bat, gure Malen, Koroko partaidea denez eurekin bat egitera gonbidatu dute. "Eneeee, hau looootsaaaa!!!" Pentsatu du, baina adoretsu lagun guztien aurrean ipini eta sano ondo abestu du.

   Artista batzuk zarete! 

DINOSAURIOEN DESAGERPENA

Hirugarren hiruhilabete honetan, 5 urteko gelan "dinosauroak" ikusten ari gara. Noiz bizi izan ziren, zein motatakoak ziren, zer jaten zuten... eta baita nola edo zergatik desagertu ziren. Ikusi izan dugu hainbat teoria daudela. Ezagunena edo ikerlari gehienek sustatzen dutena, meteorito batek jota desagertu zirela da. Hala eta guztiz ere, beste teorien artean sumendi baten leherketa baten ondorioa izan zela ere uste da. Horrela, sumendi baten erupzioa zelan gertatzen den ikusi nahi izan dogu.

GURASO BILERAK

Leer más publicaciones en Calaméo

ORTU/LORATEGI BERTIKALA

   Gaur ikastetxera joateko eta bertan Ortu/Lorategi Bertikala eraikitzeko aukera izan dugu. Guraso Elkarteak, Eskolako Agenda21 taldearen laguntzaz, antolaturiko ekintza izan da hau.

   Ikasleak ederto ibili dira lurra batetik bestera eramaten, lorontzien zulotxoetatik alanbreak sartzen, paleak prestatzen, hormak apaintzen, eta lorak landatzen, besteak beste. Haur Hezkuntzako hainbat ume ere ikusi ditut gaur patioan lan eta lan euren gurasoei laguntzen.

   Nahiz eta euri apur bat egin duen, goiz ederra pasa dugu, bai benetan! Ta oso polita geratu dela uste dut, orain danon artean zaindu beharko dugu denbora luzez iraun dezan.

Hemen daukazue egun horretako bideoa:

ZINEMA EUSKARAZ - TINKO

  Gure hizkuntza bultzatzeko asmoz Euskeraren Normalkuntza Planaren ekintzen artean urtero urtero, kurtso hasierako batzarretan komentatu dizuegunez, Bentades Ikastetxeko ikasleak Torrebillelara joaten gara, Tinko Euskara Elkarteak antolaturik, euskarazko film bat ikustera.

   Haur Hezkuntzako taldea bitan banatzen dugu beti ikuskizun honetara joateko, eta aurten ere horrela egin dugu, astelehenean talde bat eta asteartean beste bat joan egin gara.

  "Pim eta Pom" izan da ikusi dugun filma. Umeak gustura joan dira bidean, bikoteka (5 urteko gelakoak oso garrantzitsu sentitu dira 3 urtekoak eskutik eramanez), eta aretoan oso ondo porta dira, adi adi pelikula ikusten.

   Esperientzi hau sendotu eta zuekin elkarbanatzeko asmoz umeek txosten bat eramango dute etxera, elkarrekin gozatu dezazuela espero dugu. Badaezpada ondorengo estekan sinopsia irakur dezakezue: SINOPSIA.

AMAREN EGUNA

   Amaren eguna ospatzen dugu gaur, eta horregatik zuen seme-alabak lan eta lan ibili dira zuentzako oparitxo bat prestatzen. Bakoitzak bere adinaren araberako lana egin du eta denak zuen gustokoak izatea espero dugu.

3 urteko gelakoek opari goxoa egin dute ama-alabek elkarbanatzeko.

4 urteko gelakoek argazki markoa egin dute.

5 urteko gelakoek kutxa polita egin dute.

 


   Eta bukatzeko interneten Gabi de la Mazak elkarbanatutako karaoke hau usten dizuet, Pirritx, Porrotx eta Marimototsen Amatxo abestia:

ZORIONAK MUNDUKO AMATXU GUZTIEI!!!